Katalon siyasətçi Şotlandiya polisinə təslim oldu
Şotlandiyada mühacirətdə olan müstəqillik tərəfdarı katalon siyasətçi Ponsati Edinburqda polisə təslim olub.
“Ölkə.Az” xəbər verir ki, İspaniya məhkəməsi Ponsati barəsində həbs qərarı çıxarıb.
Kataloniyanın sabiq nazirlərindən olan Ponsati vəkili ilə birlikdə Edinburqdakı polisə gedib. Vəkil Aymar Anvar verdiyi açıqlamada müvəkkili haqqında olan ittihamları “siyasi işkəncə” adlandırıb.
Vəkil İspaniya məhkəmələrinin müstəqil olacağına inanmır.
İspaniyanın ən məşhur universitetlərindən birində iqtisadiyyat və maliyyə fakultəsinin dekanı olan Ponsatinin girov qarşılığında sərbəst buraxılacağı və ilk prosesin bir neçə həftə ərzində olacağı gözlənilir.
Hikmət Həsənov
Ölkə.Az
