89 yaşlı kişi dəm qazının qurbanı oldu
Hadisə Binəqədi rayonu, Sulutəpə qəsəbəsində baş verib.
“Ölkə.Az”ın məlumatına görə, 1929-cu il təvəllüdlü yaşlı kişi yaşadığı mənzilin hamam otağında dəm qazından boğularaq ölüb. Qoca kişinin meyitini mərhumun yaxınları aşkar edib.
Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Binəqədi rayon şöbəsinə göndərilib.
Faktla bağlı Binəqədi rayon prokurorluğunda araşdırmalara başlanılıb.
