“Şakro Molodoy”a 9 il 10 ay həbs cəzası verildi
Moskvanın Nikulinsk məhkəməsi kriminal aləmin son illər ən səs-küylü hadisəsinin fiqurantına cəza kəsib.
“Ölkə.Az” xəbər verir ki, kriminal aləmdə “Şakro Molodoy” kimi tanınan qanuni oğru Zaxariy Kalaşov 9 il 10 ay həbs cəzasına məhkum edilib. O, cəzasını ciddi rejimli həbsxanada çəkəcək. Onun yaxın silahdaşı, ”İtalyan” ləqəbli Andrey Koçuykov isə 8 il 9 ay həbs cəzasına məhkum edilib.
Hər iki müttəhim fırıldaqçılıqda günahlandırılırdı.
Hakim Konstantin Dubkov işin digər 9 fiqurantına 7 il 4 aydan 9 il 4 aya qədər cəza kəsib. Onların arasında Şakronun mühafizəçisi və inanılmış adamı Batır Bekmuradov da var. Heç bir müttəhim günahını etiraf etməyib.
Məhkəmənin hökmü hələ qüvvəyə minməyib və 10 gün ərzində müttəhimlərin şikayət etmək hüququ var. Müdafiə tərəfi bu hüquqdan istifadə ediləcəyini bildirib.
Hikmət Həsənov
Ölkə.Az
