Xalq artistləri məhkəmədə üz-üzə gələcəklər
Xalq artisti Məleykə Əsədovanın xalq artisti Ramiz Məlikə qarşı məhkəmə qərarından verilən apellyasiya şikayəti üzrə məhkəmə iclasının vaxtı məlum olub.
“Ölkə.Az”ın xəbərinə görə, Bakı Apellyasiya Məhkəməsində keçiirləcək iclas aprelin 8-nə təyin edilib.
Şikayətə hakim Etibar Nəbiyevin sədrliyi ilə baxılacaq.
Qeyd edək ki, xalq artistləri qarşılıqlı pul iddiaları ilə bağlı apellyasiya şikayətləri veriblər. Məleykə Əsədova 200 min manat məbləğində, R.Məlik isə 300 min manat məbləğində təzminat tələb edib.
Belə ki, M.Əsədova həmkarı R.Məlikin onun şərəf və ləyaqətini təhqir etdiyini iddia edib. Ramiz Məlik də Məleykə Əsədovanın onu təhqir etdiyini və buna görə 300 min manatlıq iddia qaldırdığını söyləyib. Nəsimi Rayon Məhkəməsinin qərarına əsasən, hər iki iddia təmin edilməyib.
Qərardan narazı qalan hər iki tərəf apellyasiya şikaytəti ilə Bakı Apellyasiya Məhkəməsinə müraciət edib.
