Oğru qadın məhkəmənin hökmündən narazıdır
“Ölkə.Az”-a verilən məlumata görə, Şahsuvarova Aygün Xaliq qızının apellyasiya şikayətinə Bakə Apellyasiya Məhkəməsinin hakimi Abid Abdinbəyovun sədrliyi ilə baxılıb, anket məlumatları dəqiqləşdirilib və məhkəmə baxışı aprel ayının 5-nə təyin edilib.
Xatırladaq ki, A.Şahsuvarova 2016-cı il martın 1-dən 12-dək olan müddətdə paytaxtın Nizami rayonu ərazisindəki ticarət mərkəzlərindən birində, orada işləyənlər - Bakı şəhər sakinləri H.Əlizadəyə, R.Xəlilovaya və A.Ağazadəyə məxsus qızıl əşyalar oğurlayıb.
Nizami RPİ 24-cü PB əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Yevlax rayon sakini, əvvəllər məhkum olunmuş Aygün Şahsuvarova tutulub. Ona qarşı Azərbaycan Respublikası CM-nin 177.2.2-ci maddəsi ilə cinayət işi başlanıb.
