Döyülən “təcili yardım” əməkdaşları danışdı: “Yoldaşı ayağına düşüb yalvardı”
Cəlilabadın Astanabad kəndində çağırışa gedən təcili tibbi yardım maşınının həkim və sürücüsü döyülüb.
"Ölkə.Az" ARB TV-yə istinadən xəbər verir ki, hadisə bu gün gecə saat 00:30 radələrində şəhərin Əhməd Cavad küçəsində qeydə alınıb. Həkim İbadət Ağayev, köməkçi həkim Sadıqov Ruslan və sürücü Babayev Muxtar çağırışçı Ərəstun Məmmədov tərəfindən döyülüb.
Muxtar Babayev (sürücü): “Çağırış yerinə çatdıqda bizi söyməyə başladı. Daha lazım olmadığını bildirdi. Biz də çıxanda maşını daşla vurdu. Bıçaqla bizi hədələdi. Yoldaşı ayağına düşüb yalvardı”.
Faktla bağlı araşdırma aparılır.
