Lənkəranda çörəkbişirən kişi məktub yazaraq intihar etdi

Lənkəran rayon, Digah kənd sakini intihar edərək özünü öldürüb.

“Ölkə.Az”-a Digah kəndinin tabe olduğu Şilavar kənd icra nümayəndəsi Afət Əkbərovun verdiyi məlumata görə, “kənd sakini, 1980-ci il təvəllüdlü Mais Mirkazım oğlu Əsgərov yaşadığı evin pilləkənlərində özünü asıb. Normal insan olub, kəndlərində yerləşən çörəkbişirmə sexində işləyib. Axşamçağıda kənd sakinləri Maisi mağazada görüblər. İntihar etməmişdən məktub yazıb qoyub. Prokurorluq əməkdaşları həmin məktubu götürüblər”.

Qeyd edək ki, mərhumun meyiti yaxınları tərəfindən aşkar olunub və müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran Rayon Şöbəsinə göndərilib.

İlkin araşdırmalar zamanı məlum olub ki, iki uşaq atası olan M.Əskərov həyat yoldaşından iki il əvvəl ayrılıb. Keçmiş həyat yoldaşı uşaqlarla birlikdə Lənkəran şəhərində yaşayıb.

Faktla bağlı Lənkəran rayon prokurorluğunda cinayət məcəlləsinin 125-ci (ölüm həddinə çatdırma) maddəsi ilə cinayət işi başlanıb, araşdırmalar davam etdirilir.