Şəhidlər Xiyabanında soyqırım abidəsinin yaradılması təklif edildi

"Ölkə.Az"-ın məlumatına görə, bu fikirləri Milli Məclisin bu gün keçirilən xüsusi iclasında çıxışı zamanı deputat Rəfail Cəbrayılov bildirib. 

Deputat deyib ki, hər dəfə ermənilər daha qəddar adam öldürmə üsulundan istifadə edərək meyidlərin üzərində işgəncələr həyata keçirib:
"Bu tarixdə erməni soyqrımı əlamətləridir. İndi əsas məqsəd 200 il ərzində törədilən soyqrımı dünyaya tanıtmaq naminə daha çox işlər görmək olmalıdır:
“Bununla bağlı əsərlər yazılıb, tədqiqatlar aparılıb. Prezidentin elə bir çıxışı yoxdur ki, orada erməni soyqrımının ifşası haqqında danışılmasın.
Sizdə mənimlə razılaşarsınız ki, fəaliyyət peşəkarcasına aparılanda daha böyük uğurlara nail olmaq mümkündür.

200 ilə yaxın bir müddətdə soyqrıma məruz qalsaq da, Qubada olan abidə istisna olmaqla nə abidə, nə də soyqrım muzeyimiz var.

Azərbaycana gələn rəsmilər ümummilli lider Heydər Əliyev və Şəhidlər Xiyabanını ziyarət edir. Bu çox gözəl haldır. Fikrimcə, Şəhidlər Xiyabanı bazasında soyqrım muzeyi və ya abidə yaradıla bilər. Buna Şəhidlər Xiyabanın daha çox haqqı var. Çünki 1918-ci ildə öldürülən soydaşlarımızın bəzisi orada dəfn edilib”.

Vasif Həsənli
Ölkə.Az