Şamaxı rayonunda 17 yaşlı nişanlı qız intihar etdi
“Ölkə.Az”ın məlumatına görə, 2001-ci il təvəllüdlü Mirzəyeva Ulduz Şəfi qızı yaşadığı evdə özünü asaraq intihar edib. Ailə üzvləri evdə olduğundan U.Mirzəyevanı təcili Ağsu Rayon Mərkəzi Xəstəxanasına çatdıra biliblər. Ancaq gəncin həyatını xilas etmək mümkün olmayıb.
Bağırlı kənd ərazi nümayəndəsi Hikmət Sayılovun “Ölkə.Az”a verdiyi açıqlamada deyilir:
“Ulduz Mirzəyeva ailədə 3 uşağın ən kiçiyi olub. Normal ailə olublar, atası qaz kəmərləri idarəsində fəhlə işləyib. Qız öz xalası oğluna nişanlı olub, xalasıgil Hacıqabul rayonunun Muğan kəndində yaşayıblar. Məktəbdə oxumurdu, psixi problemləri olmayıb. Hazırda ölümün dəqiq səbəbləri araşdırılır”.
Faktla bağlı Şamaxı rayon prokuroluğunda cinayət məcəlləsinin müvafiq maddəsi ilə cinayət işi başlanıb.
