Aqil M.Quliyev: "Faiq Ağayevin klipinin xərclərinin yarıdan çoxunu özüm çəkmişdim"

Rejissor "Ölkə.Az"a açıqlamasında bildirib ki, "Yalan"ın çəkilməsinə xərclənən vəsaitin yarısını özü ödəyib:

"Xaraktercə çox inadkar insanam. 2004-2005-ci illərdə Faiq Ağayevin on dörd dəqiqəlik "Yalan" klipini təhvil verdim. Düzdür, mənə "çox sağ ol" deyən olmadı. Halbuki klipin xərclərinin yarıdan çoxunu özüm çəkmişdim. Bu işi öz iddiama, öz hikkəmə çəkdim".

Rejissor bildirib ki, klip üçün sponsorun ayırdığı büdcə cəmi beş min dollar imiş:

""Yalan"a sponsorun ayırdığı büdcə beş min idi. Ancaq oradakı məkanlar xeyli xərc edir. Əsas odur ki, istədiyimi etdim".

Qeyd edək ki, Aqil M.Quliyevlə geniş müsahibəni sabah saytımızda oxuya bilərsiniz. Rejissor müsahibədə Amaliya Pənahovanı baş rolda çəkdiyi filmdən, oynadığı obrazlardan və digər maraqlı mətləblərdən söz açıb. 

İntiqam VALEHOĞLU
Ölkə.Az