Səudiyyə şahzadəsi: “Hitler Xameneidən yaxşıdır”
ABŞ səfərində olan Səudiyyə Ərəbistanı şahzadəsi Salman İranın dini lideri Xamaneini Hitlerə bənzədib.
“Ölkə.Az” xəbər verir ki, şahzadə Amerika mətbuatına verdiyi müsahibədə isə fələstinlilərin və israillilərin öz torpaqlarına sahib olma hüquqlarının olduğunu bildirmişdi.
“Hitler Xamaneinin yanında yaxşı görünür. Hitler, Xameneinin etməyə çalışdıqlarını etməyib. Hitler Avropanı əsarət altına almaq istəyirdi, Xamenei isə bütün dünyaya hökm etmək istəyir”, - deyə şahzadə bildirib.
Şahzadə yəhudilərlə probleminin olmadığını deyib:
“Ölkəmizin yəhudilərlə problemi yoxdur. Peyğəmbərimiz bir yəhudi qadınla evlənmişdi. Sadəcə dostluq yox, evlilik olub. Peyğəmbərimizin qonşuları yəhudilər idi. ABŞ-dan, Avropadan Səudiyyə Ərəbistanına çoxlu yəhudi səfər edir. Xristianlar, yəhudilər və müsəlmanlar arasında bir problem yoxdur”.
Hikmət Həsənov
Ölkə.Az
