Zirvə görüşündən sonra Ərdoğandan açıqlama: “PYD bitənə qədər davam edəcəyik”
Ankarada keçirilən üçtərəfli zirvə görüşündən sonra Türkiyə prezidenti Ərdoğan da açıqlama verib.
“Ölkə.Az” xəbər verir ki, Ərdoğan açıqlamasında “PYD-nin əlindəki bütün bölgələr nəzarət altına alınana qədər davam edəcəyik” deyib.
“Suriyanın ərazi bütövlüyünün təmin edilməsi bütün terror qruplaşmaları ilə eyni məsafədə olmasından asılıdır. Ətraf ölkələri və bütün bölgəni təhdid edən terror qruplaşmalarının xaric edilməsi çox önəmlidir. Türkiyə İŞİD-ə qarşı ən effektiv mübarizə aparan ölkədir. PYD qruplaşması ilə də mübarizə aparırıq. Menbiç başda olmaqla PYD-nin nəzarəti altında olan bütün bölgələri təmizləmədən dayanmayacağıq. Suriyada sakitlik bərqərar olmasa, Türkiyədə də bunu təmin etmək olmaz”, - deyə Ərdoğan bildirib.
Hikmət Həsənov
Ölkə.Az
