Bankların xalis mənfəəti artıb
28 fevral 2018-ci il tarixinə Azərbaycanda fəaliyyət göstərən bankların cəmi aktivləri 28.5 mlrd. manat, cəmi öhdəlikləri isə 24.6 mlrd. manat təşkil edib. Sektorun balans kapitalı 3.9 mlrd. manat, əhalinin əmanətləri isə 7.7 mlrd. manat olub.
Maliyyə Bazarlarına Nəzarət Palatasından (Palata) “Ölkə.Az”a verilən məlumata görə, 2018-ci ilin fevral ayı ərzində bank sektorunun aktivləri 1.2% (329 mln. manat), öhdəlikləri 1% (246 mln. manat), kapitalı isə 2.2% (83 mln. manat) artıb.
Fəaliyyət göstərən 30 bankın filiallarının sayı 511, şöbələrinin sayı 143, ATM-lərin sayı 2,444 olub. Bütövlükdə, bank sektorunun işçi heyəti 16,331 nəfər təşkil edib. Bundan başqa Azərbaycanın bank sektoru bu ilin yanvar-fevral aylarını 141,3 mln. manat xalis mənfəətlə başa vurub ki, bu, ötən ilin eyni dövrü ilə müqayisədə 2,8 dəfə çoxdur.
Ölkə.Az
