Qarabağın işğaldan azad edilməsi üçün müharibəyə başlanılması tələbilə mitinq təyin olundu

Bu barədə “Ölkə.Az”a QAT sədri Akif Nağı məlumat verib. 

A.Nağı deyib ki, mitinqə razılıq verilməsi üçün Bakı şəhər İcra Hakimiyyətinə müraciət edilib.

Onun sözlərinə görə, hələlik Bakı meriyası müraciətə cavab verməyib:

“Mitinqə bütün siyasi və ictimi qüvvələr və təşkilatlar dəvət olunub. Bakı şəhər İcra Hakimiyyətinin müraciətimizə cavabından sonra isə hər bir siyasi partiyaya və təşkilatlara da ayrıca dəvət müraciətləri olunacaq. Bizim əsas tələbimiz işğal altında olan Azərbaycan torpaqlarının, o cümlədən Qarabağın artıq azad edilməsi ilə bağlıdır. Mitinqdə "Qarabağa azadlıq!”, "Ya Qarabağ, ya ölüm!”, "Ya Qarabağı azad et, ya kənara çəkil!”, "Qarabağda azadlıq müharibəsinin başlanmasını tələb edirik!”, "Beynəlxalq qurumların qərəzli vasitəçiliyini rədd edirik!” şüarları səsləndiriləcək, erməni işğalı altında olan torpaqlarımızın azad edilməsi üçün iri miqyaslı hərbi əməliyyatlara başlanılması və digər bu kimi tələb səsləndiriləcək”.

Vasif Həsənli
Ölkə.Az