Bankların hazırki vəziyyəti

Əhalinin banklardakı əmanətlərinin milli valyuta ekvivalentində məbləği 2018-ci il fevral ayının 1-nə 7497,0 milyon manat təşkil edib ki, bu da ötən ayla müqayisədə 63 milyon manat və ya 0,8% azalıb.

“Ölkə.Az” xəbər verir ki, banklardakı əmanətlərin məbləğinin azalması, birbaşa olaraq bankların əmanət üzrə faiz dərəcəsini endirməsilə bağlıdır. Belə ki, Əmanətlərin Sığortalanması Fondu (ADİF) tərəfindən milli valyutada 15% -lik əmanətlərin sığortalanmasına baxmayaraq, nəinki 15%, hətta bankların əksəriyəti milli valyutada olan əmanətlərə 14% illik faiz təklif etmir. Əhali isə bu səbəbdən əlində olan pulunu 14%-lik qiymətli kağızlara yatırmağa çalışır.

Buna görə də, son zamanlar Azərbaycanda qiymətli kağızlara marağ artıb. Hətta qiymətli kağızların təkrar bazarda satılması da aktivləşib.

Dolların manata olan məzənnəsinin ötən ildən bu günə qədər stabil qalması da banklarda olan əmanətlərin artımına səbəb olmur. Son iki ildə bağlanan banklar (18 bank) və əmanətlərini itirən əhali artıq hansı banka etibar edəcəyini bilmir. Son zamanalarda bağlanan banklara görə əhalinin banklara olan inamı azalıb.

Manatın məzənnəsində dəyişiklik olmadığına görə banklarda milli valyutada olan əmanətlərin həcmi artıb. Amma sabaha baş verəcək cuzi məzənnə dəyişikliyi adəti üzrə yenidən ajiotaj yaradacaq və banklarda olan əmanətlər yenidən yastığ altına qayıdacaq. Banklardan çəkilən əmanətlər isə bir neçə bankın yenidən maliyyə problem çəkməsinə səbəb olacaq ki, bu da bir neçə bankın lisenziyasının ləğv edilməsinə gətirib çıxaracaq.

Ölkə.Az