Sumqayıtda fiziki qüsurlu bağban yol qəzasının qurbanı oldu
“Ölkə.Az”ın məlumatına görə, Taryel Xəlilovun idarə etdiyi “Opel” markalı 99 ES 332 dövlət qeydiyyat nömrəli avtomobil Sumqayıt İcra Hakimiyyətinin Yaşıllaşıdırma İdarəsinin işçisi Vidadi Rəsulovu vurub.
Yaralı xəstəxanaya aparılsa da, onun həyatını xilas etmək mümkün olmayıb. Meyit Məhkəmə Tibbi Ekspertiza və Pataloji Anatomiya Birliyinin Sumqayıt Şəhər şöbəsinə aparılıb. İlkin müayinələr zamanı məlum olub ki, dünyasını dəyişən fiziki qüsurlu (lal, kar) olub. Belə ki, hadisə Vidadi yolun qırağında ağacları sulayan zaman baş verib.
Faktla bağlı Sumqayıt Şəhər Polis İdarəsində cinayət məcəlləsinin 263.2-ci maddəsi ilə cinayət işi başlanıb, sürücü istintaqa cəlb olunub.
Beləki, hadisə V. Rəsulov yolun kənarında ağacları sulayan zaman baş verib.
