Suriyadakı hücumda sinir qazından istifadə edilib?

ABŞ prezidenti Donald Tramp Suriyada Bəşər Əsəd rejiminin blokadası altındakı Şərqi Qutanın Duma rayonunda kimyəvi silahdan istifadəni qınayıb.

“Bir-iki gün ərzində nə edəcəyimizə qərar verəcəyik. Hücumun arxasında kimin olduğunu öyrənəcəyik. Suriya üçün bütün imkanlar stol üzərindədir”, - deyə, Tramp qeyd edib.

O, həmçinin vurğulayıb ki, Vladimir Putin Dumaya hücumdan məsuliyyət daşıya bilər.

ABŞ Dövlət Departamentinin açıqlamasına görə isə, ölən və yaralananlardan götürülmüş nümunələr sinir qazına işarə edir: “Müttəfiqlərlə danışırıq. Bu qəddarlığa son verilməlidir. Beynəlxalq müşahidəçilərin Dumaya daxil olmağına icazə verilmir”.

ABŞ-ın müdafiə naziri Cim Mettis isə kimyəvi silah hücumundan sonra Suriya rejimi ilə bağlı hərbi əməliyyatları istisna etmədiyini bildirib.

Ölkə.Az