İki məhkəməni uduzan nazirlik Ali Məhkəməyə müraciət etdi
3 milyon ABŞ dollar həcmində məhkəməni uduzan nazirlik Ali Məhkəməyə şikayət edib.
“Ölkə.Az”ın xəbərinə görə, hakim Rahib Nəbizadənin sədrliyi ilə keçirilən məhkəmə prosesində iddiaçı qismində Rabitə və Yüksək Texnologiyalar Nazirliyinin (hazırkı Nəqliyyat, Rabitə və Yüksək Texnologiyalar Nazirliyi) “AzİnTelekom” Məhdud Məsuliyyətli Cəmiyyəti, cavabdeh qismində isə “Strategic Link Communications İnc.” şirkəti tanınıb.
Belə ki, ilk olaraq 1 saylı Bakı İnzibati-İqtisad Məhkəməsinə müraciət edən cəmiyyət 1 milyon 700 min 262 ABŞ dolları əsas borc, 1 milyon 345 min 792 ABŞ dolları məbləğində cərimə borcu barədə iddia irəli sürüb. Məhkəmə iddianı təmin etməyib. Həmin qərardan narazı qalan “AzİnTelekom” MMC apellyasiya şikayəti verib. Ancaq 2-ci instansiya məhkəməsi də qərarı qüvvədə saxlayıb.
