Əlcəzairdə təyyarə qəzasında ölənlərin sayı 247-ə çatdı
“Ölkə.Az” xəbər verir ki, ölənlərin sayı 247-ə çatıb.
Qeyd edilir ki, “İl-76” təyyarəsində 250-ə yaxın hərbçi olub. Təyyarə uçuşdan bir neçə dəqiqə qəzaya uğrayıb və əkin sahəsinə düşərək yanıb. Şahidlər bildirirlər ki, təyyarənin əsasən, ön füzelajı xəsarət alıb.
Hadisə yerində 14 yanğınsöndürən briqada işləyir. Əraziyə 300 xilasedici cəlb edilir.
***
Əlcəzairdə hərbi təyyarə qəzaya uğradı.
“Ölkə.Az” xəbər verir ki, ilkin məlumatlara görə, ölənlərin sayı 200 nəfər ola bilər.
“En-Nahar” telekanalının xəbərinə əsasən, ən azı 105 nəfər həlak olub. Onlardan 26-ı Qərbi Səhradandır.
“Əl-Ərəbiyə” kanalı isə məlumat verir ki, sərnişinlər əsasən hərbçilər olublar, qəza nəticəsində sağ qalan yoxdur.
Təyyarə Blid vilayətindən cənubi-qərb istiqamətində hərəkət edirmiş. Havaya qalxdıqdan bir neçə dəqiqə sonra qəzaya uğrayıb.
Hikmət Həsənov
Ölkə.Az
