Serbiya hərbi təyyarəsi qəzaya uğradı
Serbiya ordusuna məxsus hərbi təyyarə qəzaya uğrayıb.
“Ölkə.Az” xəbər verir ki, insident paytaxt Belqrad yaxınlığındakı Kovaçitsa bələdiyyəsində qeydə alınıb. “SOKO G-4 Super Galeb” hərbi-təlim təyyarəsi uçuş vaxtı qəzaya uğrayıb.
Sükan arxasında Sınaq Uçuşları Mərkəzinin iki pilotu olub. Onlar qəza vaxtı təyyarədən tullana biliblər. Amma pilotlardan biri aldığı zədələrdən dünyasını dəyişib.
Ağır xəsarətləri olan ikinci pilot xəstəxanaya çatdırılıb. Faktla bağlı araşdırma aparılır.
Hikmət Həsənov
Ölkə.Az
