“Şanxay Əməkdaşlıq Təşkilatı” Azərbaycandakı prezident seçkilərini qiymətləndirdi

 “Ölkə.Az” xəbər verir ki, açıqlamaya əsasən, seçkilər geniş rəqabət formasında keçirilib. Namizədlərə pulsuz efir vaxtı verilib. Eyni zamanda qeyd edilir ki, namizədlərə verilən pulsuz efir vaxtı qanunvericilikdə nəzərdə tutulandan iki dəfə çox olub.

Müşahidəçilər qeyd ediblər ki, MSK tərəfindən fiziki qüsuru olan seçicilər üçün şərait yaradılıb. MSK tərəfindən rəngsiz mürəkkəb və ultra-bənövşəyi lampaların istifadəsi eyni şəxsin bir neçə dəfə səsverməsinin qarşısını almaq məqsədi ilə həyata keçirilib.

Qeyd edək ki, Azərbaycanda dünən növbədənkənar prezident seçkiləri keçirilib. Dövlət başçısı postu uğrunda 8 namizəd yarışıb. Sayılan bülletenlərin 92%-inin nəticələrinə əsasən, İlham Əliyev seçicilərin 86%-inin səsini toplayıb.

Hikmət Həsənov
Ölkə.Az