Qırğızıstan prezidenti: “Prezident seçilməyiniz münasibətilə səmimi təbriklərimi qəbul edin”
Qırğızıstan prezidenti Sooronbay Jeenbekov İlham Əliyevə təbrik məktubu ünvanlayıb.
“Ölkə.Az” xəbər verir ki, Jeenbekov məktubunda İlham Əliyevi yenidən prezident seçilməsi münasibətilə təbrik edib:
"Azərbaycan Respublikasının Prezidenti vəzifəsinə seçilməyiniz münasibətilə səmimi və ürəkdən gələn təbriklərimi qəbul edin!"
S.Jeenbekov vurğulayıb ki, İlham Əliyevin inamlı qələbəsi Azərbaycan xalqının Prezidentin ölkənin sabit və hərtərəfli inkişafına yönəlmiş kursuna tam inanmasının göstəricisidir.
O, həmçinin birgə səylər nəticəsində Qırğızıstan-Azərbaycan əlaqələrinin qarşılıqlı hörmət və inam əsasında daha da güclənəcəyinə, dərinləşəcəyinə əminliyini ifadə edib.
Hikmət Həsənov
Ölkə.Az
