ABŞ hərbçiləri ailələri ilə sağollaşdı
ABŞ prezidenti Trampın Suriyaya hücum ediləcəyi barədə açıqlamasından sonra ABŞ hərbi gəmiləri Virciniyadakı dəniz bazasından ayrılaraq Aralıq dənizinə doğru hərəkətə keçib.
“Ölkə.Az” xəbər verir ki, Trampın ismarıcından sonra ABŞ, Rusiya, İngiltərə və Suriya ordusunda hərəkətlilik nəzərə çarpıb.
ABŞ donanmasının Aralıq dənizinə göndərdiyi “USS Harry Truman” təyyarə gəmisi və digər hərbi gəmilər Norflok bazasından yola çıxıb. Təyyarədaşıyanla birlikdə 7 hərbi gəmi Aralıq dənizi istiqamətində hərəkətə başlayıb.
Minlərlə amerikalı hərbçi ailələri ilə vidalaşıb. Cənubi Kiprin Larnaka limanından ayrılan “USS Donald Cook” hərbi gəmisi də istiqamətini dəyişib.
Hikmət Həsənov
Ölkə.Az
