Əflatun Amaşov: "Seçkilərdə KİV-lər tərəfindən namizədlərin tərəfsizliyi qorunub"

"Ölkə.Az" xəbər verir ki, bu gün bununla bağlı Beynəlxalq Mətbuat Mərkəzində tədbir keçirilib. 

Tədbirdə çıxış edən Azərbaycan Mətbuat Şurasının sədri, Milli Məclisin deputatı Əflatun Amaşov bildirib ki, KİV-lər bütün namizdlərə bərabər yanaşıblar:

"Heç bir mətbu orqan hansısa prezidentliyə namizədi aşağılamayıb. Namizədlərin tərəfsizliyi qorunub. Bu isə ötən illərə baxdıqda müsbət bir addımdır. Monitorinq zamanı bəzi KİV-lərdə gizli siyasi təşviqat aparılıb. Ümumilikdə prezident seçkiləri zamanı KIV-lərdə 1051 material yayımlanıb. Onların 11 mənfi məlumatdır ki, bunlar da hesabatda qeyd olunub. Seçkiqabağı namizədlərlə bağlı cəmi 11 mənfi materialllar yayımlanıb. TV kanallarda heç bir namizdə qarşı mənfi material yayımlanmayıb".

Şura sədri qeyd edib ki,  11 aprel prezident seçkilərində iştirak edən namizədlərdən 4-ü Milli Məclisin üzvüdür:

"6 televiziya kanalında  namizədlər haqqında yayımlar verilib. Təbliğat materialları digər qəzet və elektron xəbər portallarında yayımlanıb. KIV-lərdə aparılan monitorinqlərdə yayımlanan məlumatlarda heç bir nöqsana rast gəlinməyib. Mediada heç bir namizədə etikadan kənar münasibət qeydə alınmayıb. Heç bir namizədə qərəz göstərilməyib. Namizədlərin tərəfsizliyi qorunub. Bəzi KIV orqanlarında fərqli yanaşma qeydə alınıb. Ümumi götürsək, media orqanları prezident seçkilərində uğurlu işə imza atıblar".

Ə.Amaşov deyib ki, monitorinq zamanı sosial şəbəkələrdə etik qaydaların pozulması qeydə alınıb:

"Məsələn, hansısa media orqanı yazdığı xəbəri sosial şəbəkədə paylaşıb və həmin məlumatın altında etik normalara cavab verməyəm şərhlər yazılıb. Bu monitorinqə qeydə alınmayıb. Çünki bu sosial şəbəkəyə aid məsələdir. Birmənalı olaraq bəyan edirəm ki, televiziyalarda namizədlərə bitərəf münasibət göstərilib və heç bir neqativ hala rast gəlinməyib.

Mətbuat Şurası seçki günü MSK ilə birgə öz işini davam etdirib. Şura seçki məntəqələrində jurnalistlərin fəaliyyətinə yaradılan şəraitlə tanış olub. Mətbuat Şurasında seçki günü "qaynar xətt" yaradılıb. Nöqsanlarla bağlı yalnız 1 müraciət olunub və yaranan problem də həll olunub. Mətbuat Şurasının İdarə Heyətinin üzvləri həmçinin müəyyən ərazilərdə seçki dairələrində olublar".

Vasif Həsənli
Ölkə.Az