Özünü “ASAN Xidmət”in işçisi kimi təqdim etdi, dələduzluğa əl atdı
“Ölkə.Az”ın məlumatına görə, Nizami Rayon Məhkəməsində keçirilən prosesə hakim Mətanət Hacıyeva sədrlik edəcək.
Xatırladaq ki, 2016-cı ilin fevral ayında özünü “ASAN Xidmət” mərkəzinin əməkdaşı kimi təqdim edərək dələduzluq edən Nərgiz Hafiz qızı Elçiyeva saxlanılıb.
Vətəndaşlara özlərini “ASAN Xidmət” mərkəzinin vəzifəli şəxsi kimi təqdim edərək onlara qarşı dələduzluq etmiş şəxslərin qanunsuz hərəkətləri barədə Bakı şəhər sakininin müraciəti Baş prokuror yanında Korrupsiyaya qarşı Mübarizə Baş İdarəsində araşdırılıb.
Baş Prokurorluğun mətbuat xidmətindən verilən məlumata görə, araşdırmalar zamanı Nərgiz Elçiyevanın özünü Bakı şəhər 4 saylı “ASAN Xidmət” mərkəzinin direktorunun köməkçisi kimi təqdim edən Rəşad Rəcəbov vasitəsi ilə Bakı şəhər sakinini mərkəzin maliyyə şöbəsinə işə qəbul etdirəcəyi adı ilə aldadaraq 1200 manatını etibardan sui-istifadə etmə və aldatma yolu ilə ələ keçirmələrinə şübhələr üçün əsaslar olduğundan fakta görə Cinayət Məcəlləsinin 178.2.4 (xeyli miqdarda ziyan vurmaqla dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə cinayət işi başlanıb.
