Ölümə səbəb olan qadın sürücünun MƏHKƏMƏSİ

Motoskiletçinin ölümündə təqsirli bilinən sürücü qadın-Əliyeva Aidə Arif qızının məhkəməsi başlayıb.

“Ölkə.Az”ın məlumatına görə, Binəqədi Rayon Məhkəməsinin hakim Vuqar Məmmədovun sədrliyi ilə keçirilən hazırlıq iclasında cinayət məcəlləsinin 263.2-ci maddəsi ilə təqsirli bilinən A.Əliyevanın anket məlumatları dəqiqləşdirilib.

Xatırladaq ki, qəza ötən il aprelin 8-də baş verib. Belə ki, Binəqədi rayonu Azadlıq prospektində Neftçala rayon sakini, 1994-cü il təvəllüdlü Şirxan Paşayev idarə etdiyi dövlət qeydiyyat nişanları olmayan "Zontes" markalı motosikletlə qoşa xəttin üzərinə çıxıb qarşıda gedən Bakı şəhər sakini Aidə Əliyevanın idarə etdiyi "Seat İbiza" markalı avtomobilin güzgüsünə toxunduğundan idarəetməni itirərək əks istiqamətdə hərəkət edən Tuncay Tağıyevin idarə etdiyi "Mercedes" markalı avtomobillə toqquşub. Nəticədə Ş.Paşayev hadisə yerində ölüb.

Araşdırmalar zamanı məlum olub ki, minik avtomobilinin sürücüsü T. Tağıyev Abşeron Rayon Polis İdarəsinin Mehdiabad Polis Bölməsinin təhqiqatçısı, polis kapitanıdır.