Türkiyəli deputat prezident İlham Əliyevi belə təbrik etdi
Bakıda səfərdə olan Türkiyə Böyük Millət Məclisinin Türkiyə-Azərbaycan parlamentlərarası dostluq qrupunun həmsədri, millət vəkili Necdet Ünüvar prezident İlham Əliyevlə görüş zamanı atası Heydər Əliyevlə bağlı xatirə hədiyyəsini ona təqdim edib.
Bu barədə “Ölkə.Az”a türkiyəli deputat özü məlumat verib.
Ötən gün İlham Əliyevi növbəti dəfə Azərbaycan prezidenti seçilməsi münasibətilə təbrik etdiyini vurğulayan N.Ünüvar deyib ki, prezident İlham Əliyevlə görüş zamanı Ulu Öndər Heydər Əliyevin vaxtilə onunla çəkdirdiyi fotonu ölkə başçısına təqdim edib:
“Foto rəhmətlik Heydər Əliyev xəstə olmasına baxmayaraq, 2003-cü ildə bizimlə görüşə razılıq verdiyi anı əks etdirir. Mən həmin vaxtı çəkilən fotonu cənab İlham Əliyevə təqdim etdim. Prezident İlham Əliyev də rəhmətlik atasının xatirə fotosunu ona təqdim etməyimdən məmnun oldu”.
Vasif Həsənli
Ölkə.Az
