Prezident baş nazir postuna Novruz Məmmədovu təklif etdi

"Ölkə.Az" xəbər verir ki, bu gün keçirilən plenar iclasda çıxış edən Milli Məclisin spikeri Oqtay Əsədov  bildirib ki, xalqımız aprelin 11-də Azərbaycanda baş verən tarixi hadisənin sevincini yaşayır:

"Prezident İlham Əliyevin yenidən prezident seçilməsi onun xidmətlərinə verilən qiymətin, sonsuz inamın nəticəsidir. Cənab Prezdenti parlament adından təbrik edir, ona fəaliyyətində uğurlar arzu edirik. 

Cənab prezidentin andiçmə mərasimini Milli məclisdə keçirməsi parlamentə olan münsaibətinin göstəricisidir. Bu günkü iclas bir məsələyə həsr olunub". 

Dövlət başçısının Milli məclisə məktubunu oxuyan O.Əsədov bildirib ki, ölkə başçısının məktubunda Novruz İsmayıloğlu Məmmədovun Baş nazir vəzifəsinə namizədliyi irəli sürülüb:

"Novruz Məmmədovun fəaliyyəti dövlət tərəfindən qiymətləndirilib. Ölkə başçısı tərəfindən Şöhrət və müxtəlif ordenlərlə təltif olunub", - deyə O.Əsədov qeyd edib. 

Vasif Həsənli
Ölkə.Az