Binanın gözətçisi iş başında öldü
Nəsimi rayonunda gözətçi iş yerində vəfat edib.
“Ölkə.Az”ın xəbərinə görə, Ziyəddin Babayev Bülbül prospekti 65-də yerləşən hündürmərtəbəli binada iş başında ürək çatışmazlığından dünyasını dəyişib. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Nəsimi rayon şöbəsinə aparılıb.
Faktla bağlı Nəsimi rayon prokurorluğunda araşdırmalara başlanılıb. Məlum olub ki, Z.Babayev dəfələrlə ürəyinin xəstə olması ilə bağlı müdiriyyətə məlumat verib və kömək istəyib. Ancaq tikinti şirkətinin rəhbərliyi gözətçinin probleminə reaksiya verməyib.
