Şirkət pulunu yeyən menecer məhkəmə qarşısında
Sabunçu Rayon Məhkəməsində tanınmış qənnadı fabrikinin pulunu mənimsəyən menecerin məhkəməsi başlayıb.
“Ölkə.Az”-ın xəbərinə görə, “Şirin” MMC keçmiş əməkdaşı Şıxıyev Malik Seyran oğluna qarşı şirkətin pulunu mənimsəməsi ilə bağlı Sabunçu RPİ-nə şikayət edib. Şikayət əsasında M. Şıxıyevə qarşı cinayət məcəlləsinin 179.2.3-cü (mənimsəmə; qulluq mövqeyindən istifadə etməklə) maddəsi ilə cinayət işi başlanıb və iş baxılması üçün Sabunçu Rayon Məhkəməsinə göndərilib.
Hakim Süleyman Ağayevin sədrliyi ilə məhkəmə prosesi başlayıb. Təqsirləndirilən M. Şıxıyev şirkət tərəfindən ona qarşı qaldırılan iddiaları rədd edib.
Hazırda məhkəmə prosesi davam etdirilir.
