Küllü miqdarda dələduzluq edən iş adamının məhkəməsi
Bakı Ağır Cinayətlər Məhkəməsində küllü miqdarda dələduzluqda təqsirləndirilən iş adamının məhkəməsi başlayıb.
“Ölkə.Az”-ın məlumatına görə, cinayət məcəlləsinin178.3.2-ci ( küllü miqdarda dələduzluq etmə) maddəsi ilə təqsirləndirilən Şeyxov Sərvər Səfər oğlunun məhkəmə prosesi hakim Şəkər Məmmədovanın sədrliyi ilə keçirilir.
Qeyd edək ki, Sərvər Şeyxov "Şatl” MMC-nin təsisçisi və rəhbəri olub. Məlumata görə, S. Şeyxov dəfələrlə vergi və bank borcları ilə bağlı məhkəməyə verilib. Lakin o borcları ödəməkdən boyun qaçırıb.
Sonra isə o, 2015-ci ilin aprel ayından axtarışa verilib. İnterpol xətti ilə tutularaq ölkəyə gətirilib.
