Türkiyə parlamentinin sədri İlham Əliyevi təbrik etdi
Azərbaycan prezidenti İlham Əliyev Türkiyədə rəsmi səfərdədir.
“Ölkə.Az” xəbər verir ki, səfər çərçivəsində İlham Əliyev Türkiyə Milli Məclisinin sədri İsmayıl Kahramanla görüşüb.
İsmayıl Kahraman İlham Əliyevi 11 aprel prezident seçkilərində qələbə qazanması münasibəti ilə təbrik edib:
“Sizin Türkiyəyə rəsmi səfərinizdən məmnunam. Sizin prezident seçkilərində böyük səs üstünlüyü ilə qalib gəlməyiniz bizi şərəfləndirdi”.
Bundan başqa türkiyəli deputat İlham Əliyevin təkcə Azərbaycan yox, eyni zamanda bölgə və dünya üçün də mühüm şəxsiyyət olduğunu deyib.
Qeyd edək ki, İlham Əliyev hazırda Türkiyə prezidenti ilə görüşür.
Hikmət Həsənov
Ölkə.Az
