Qaradağda 3 qohum həbs olundu
Rayonun Müşfiqabad qəsəbəsində xuliqanlıq cinayəti qeydə alınıb.
“Ölkə.Az”ın xəbərinə görə, Tural Sultanov adlı şəxs 3 qohum tərəfindən döyülüb. Belə ki, zərərçəkən şikayət ərizəsində göstərib ki, Əlibəy və Fədail Hüseynov qardaşları əmiləri Saadxan Eyvazovla birləşərək ona müxtəlif bədən xəsarətləri yetiriblər.
Faktla bağlı Qaradağ RPİ-nin İstintaq Şöbəsində cinayət məcəlləsinin 221-ci (xuliqanlıq) maddəsi ilə cinayət işi başlanıb və hər üç şəxs həbs edilib. Saxlanılan şəxslər ilkin dindirmələr zamanı T. Sultanova qarşı xuliqanlıq etdiklərini etiraf edərək bildiriblər ki, aralarında borc məsələsi olub və T.Sultanov onlara qarşı nalayiq ifadələr işlədib. Elə bu səbəbdən də onu döyüblər.
