4 min manatlıq qızılı kim oğurladı?
Xətai rayonunda ev sahibi xidmətçisindən şikayət edib.
“Ölkə.Az”ın xəbərinə görə, S.Orucov küçəsində yaşayan Samirə Tapdıqlı evində xidmətçi işləyən Samirə adlı qadından 37-ci polis bölməsinə şikayət edib. Zərərçəkən ifadəsində bildirib ki, xadimə qadın evindən 4 min manatlıq qızıl oğurlayıb.
Daxil olmuş ərizə əsasında təhqiqat araşdırmalarına başlanılıb. Xadimə işləyən qadın izahatı alınması üçün polis bölməsinə dəvət olunub. Əgər xadimənin günahı sübuta yetirilərsə, ona qarşı Xətai RPİ-nin istintaq şöbəsində cinayət məcəlləsinin 177-ci (oğurluq) maddəsi ilə cinayət işi başlanacaq.
