Qadınları avtobusda qarət etdilər
Bakıda marşrut avtobusunda cibgirlər qadınları soyublar.
“Ölkə.Az”ın xəbərinə görə, Binəqədi rayonu ərazisində 26 saylı marşrut avtobusunda Rəqsanə Şahverdiyevanın mobil telefonu, 50 manat pulu və şəxsiyyət vəsiqəsi oğurlanıb. Qadın oğurluğa məruz qalması barədə avtobusdan düşdükdən sonra xəbər tutub. Dərhal polisə məlumat verən qadının izahatı alınıb və axtarış tədbirlərinə başlanılıb.
Digər bi analoji əməl isə Nizami rayonu ərazisində qeydə alınıb. 20 saylı xətt avtobusunda Şölə Cəfərova adlı qadının 75 manat pulu və pensiya kartı oğurlanıb. Zərərçəkən 23-cü polis bölməsinə ərizə yazdıqdan sonra avtobusda olan müşahidə kameralarına baxış keçirilib.
Hər iki faktla bağlı aidiyyatlı polis idarələrində cinayət məcəlləsinin 177-ci maddəsi ilə cinayət işi başlanıb.
