Sabunçuda 40 yaşlı qadın intihara cəhd etdi
Bakıxanov qəsəbəsi, Fətəliyev küçəsi 78-də yaşayan qadın intihar etmək istəyib.
“Ölkə.Az”ın xəbərinə görə, bu məqsədlə 1978-ci il təvəllüdlü Fəridə Məmmədova özünü yaşadığı 3-cü mərtəbənin eyvanından aşağı atıb.
Qadın təcili tibbi yardım maşını ilə 3 saylı şəhər xəstəxanasına çatdırılıb. Xoşbəxtlikdən qadının həyatını xilas etmək mümkün olub, vəziyyəti ağır kimi qiymətləndirilir.
Faktla bağlı Sabunçu rayon prokurorluğunda araşdırmalara başlanılıb. Qadının hansı səbəbdən intihar etməsi araşdırılır.
