"Ermənilər Dağlıq Qarabağda narkotik əkib-becərirlər"
"Ölkə.Az"ın “Report”a istinadən xəbərinə görə, Avropa İttifaqı-Azərbaycan Parlament Əməkdaşlıq Komitəsinin XV iclasının ikinci sessiyasında Azərbaycan Milli Məclis sədrinin birinci müavini Ziyafət Əsgərov deyib.
O qeyd edib ki, Ermənistan hakimiyyəti erməni xalqını girov götürüb: “Biz istəyrik ki, sülh olsun, əməkdaşlıq edək, amma torpaqlar azad edilsin. Bu, həm də Cənubi Qafqaz regionun inkişafına da səbəb olar. Avropa İttifaqi, Avropa Parlamenti Dağlıq Qarabağ probleminin həlli ilə bağlı addımlar atmır. Niyə Ermənistana sanksiyalar tətbiq etmirsiz? Niyə? Axı hər şey aydındır. Dağlıq Qarabağda narkotik bitkiləri əkib-becərilir, bunun qarşısı niyə alınmır? Axı bu hamının problemidi. Ədalət prinsipi niyə işləmir.
Nə vaxta qədər beynəlxalq hüquq sizin üçün məşğuliyyət, bizim üçün isə məhdudiyyət olacaq?”
Azərbaycan Milli Məclis sədrinin birinci müavini Ziyafət Əsgərov isə deyib ki, Dağlıq Qarabağ problemi müzakirə edilsə də, nəticəsi olmur: "Beynəlxalq təşkilatların qəbul etdiyi qətnamələr icra olunmur. Əgər bu icra olunmayacaqdısa, niyə qəbul edirdiniz? Ermənistan belə böyük dövlətdi ki ona təzyiq edilmir? Çox maraqlıdır, bu cür yanaşmalar müsəlman dövlətlərinədir, amma Gürcüstan və digər ölkələrin ərazi bütövlüyü ilə bağlı bu cür yanaşma olmur. Bu, artıq ikili standartdır. Avropa demokratiyasından ədalət tələb edirəm. Demokratiyadan danışırlar, amma Dağlıq Qarabağ məsələsinə gəldikdə isə susurlar. Onlar məsələni həll etmək istəmirlər. Açıq deyin bilək ki, niyə həll etmirsiniz? Cavab verin. Bu problem 30 il də davam etməlidirmi? Nə qədər gözləməliyik? 50 il? Məsləhət vermək çox asandır, amma reallığı yaşamaq lazımdır”.
O, fikirlərini yarımçıq saxlayıb: “Mənim daha sözüm yoxdur, bitdi”.
