Çay evində dava düşdü, ofisiant bıçaqlandı
Nəsimi rayonunda yerləşən “Samovar” çay evində bıçaqlanma faktı qeydə alınıb.
“Ölkə.Az”ın xəbərinə görə, çay evində ofisiant işləyən Elçin İsmayılov iş zamanı bıçaqlanıb. Belə ki, müştərilərə qulluq edən zaman çay onlardan birinin üstünə dağılıb. Elə bu səbəbdən aralarında mübahisə yaranıb. Nəticədə müştəri E.İsmayılova bıçaq xəsarəti yetirərək aradan çıxıb. Yaralı təcili olaraq 1 saylı şəhər xəstəxanasına çatdırılıb, vəziyyəti orta-ağırdır.
Faktla bağlı Nəsimi RPİ-nin İstintaq Şöbəsində cinayət məcəlləsinin xuliqanlıq maddəsi ilə cinayət işi başlanıb, hələlik saxlanılan yoxdur.
