Tanınmış aktyor Mehriban Əliyevaya MÜRACİƏT ETDİ

Aktyor "Ölkə.Az"-a açıqlamasında bildirib ki, artıq bununla bağlı Azərbaycanın Birinci vitse-prezidenti Mehriban Əliyevaya da rəsmi müraciət edib:

"Sənətdə böyük uğurlar qazandığımı iddia edə bilmərəm. Ancaq həmyaşıdlarımla müqayisədə istər filmdə, istər seriallarda yetərincə obrazlar oynamışam. Ən azından Azərbaycan tamaşaçısı məni tanıyır və şükürlər olsun ki, sənətimi sevənlər də var. Lakin hər bir yaradıcı insan kimi mənim də normal sosial şərtlər altında yaşamağa və yaratmağa ehtiyacım var".

A.Aydəmir bildirib ki, qazancı mənzil almaq üçün yetərli deyil:

"Ailəliyəm, bir övladım var. Seriallardan, filmdən aldığım qonorar isə ancaq dolanışığa və kirayə puluna bəs edir. Mənzil almaq üçün daha böyük pullar qazanmalısan. Hazırda Azərbaycan şəraitində bu, mümkün deyil. Bütün bunları nəzərə alaraq ölkəmizin Birinci vitse-prezidenti Mehriban Əliyevaya müraciət etmişəm. Ümid edirəm ki, bir gənc və mənzilə ehtiyacı olan aktyorun müraciəti müsbət cavablandırılacaq. Ən azı buna böyük inamım var".

Qeyd edək ki, Azər Aydəmir iyirmidən artıq film və serialda müxtəlif dərəcəli obrazları canlandırıb. 

İntiqam VALEHOĞLU
Ölkə.Az