Ata ilə oğul məhkəmədə üz-üzə gələcək

Şəki Ağır Cinayətlər Məhkəməsində oğlunu bıçaqlyan atanın məhkəməsi başlayır.

“Ölkə.Az”ın xəbərinə görə, cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə təqsirləndirilən Əhmədov Loğman Bilal oğlunun məhkəmə prosesinin hazırlıq iclasına hakim Rəşid Hüseynov sədrlik edəcək.

Belə ki, Balakən rayonunda əvvəllər məhkum olunmuş ata oğlunu bıçaqlayıb. Qanlı hadisə 2017-ci il dekabr ayının 16-da rayonun Qazma kəndində Vüqar Əhmədovun yaşadığı ünvanda baş verib. Vüqar Əhmədovla atası, 1953-cü il təvəllüdlü, əvvəllər məhkum olunmuş Loğman Bilal oğlu Əhmədov arasında ailə münaqişəsi zəminində mübahisə baş verib. Mübahisə zamanı Loğman Əhmədov oğlu Vüqarı bıçaqlayıb. Hadisəni törətməkdə şübhəli sayılan Loğman Əhmədov saxlanılıb.1976-cı il təvəllüdlü Vüqar Loğman oğlu Əhmədov bıçaq xəsarəti ilə Balakən Rayon Mərkəzi Xəstəxanasına daxil olub. Bədənin qarın nahiyəsinin kəsilmiş-deşilmiş və daxilə nüfuz edən bıçaq yarası xəsarəti ilə xəstəxanaya daxil olan Vüqar Əhmədovun üzərində cərrahiyə əməliyyatı aparıldıqdan sonra reanimasiya şöbəsinə yerləşdirilib.