Sosial şəbəkələrdə qadınları şantaj edən şəxslərin məhkəməsi

Bakı Ağır Cinayətlər Məhkəməsində qadınları sosial şəbəkələrdə şantaj etmək adı ilə pul alan şəxslərin məhkəməsi başlayır.

“Ölkə.Az”ın xəbərinə görə, cinayət məcəlləsinin 182.2.1-ci maddəsi ilə təqsirləndirilən İsmayılzadə Samir Malik oğlu və Abbasov Şəhriyar Ələsgər oğlunun məhkəmə prosesi hakim Novruz Kərimovun sədrliyi ilə keçiriləcək.

Xatırladaq ki, instagramda tanış olduğu qadını şantaj edəcəyi ilə hədə-qorxu gələrək 10 min manat pul tələb edən şəxslər ötən ili sentyabr ayında tutulublar.

Baş İdarəyə şikayət ərizəsi ilə müraciət edən qanuna zidd əməllə üzləşən xanım tanış olduğu Samir adlı şəxsin onu fotoşəkillərini sosial şəbəkələrdə yayacağı ilə hədələyib 10 000 manat aldığını və yenidən 2000 manat tələb etdiyini bildirib.

Qeyd edilən cinayəti törətməkdə şübhəli bilinən Füzuli rayon sakini Samir İsmayılzadə zərərçəkəndən 2000 manat alan zaman saxlanılaraq məsuliyyətə cəlb edilib. Samir İsmayılzadə ifadəsi zamanı 2016-cı ilin sentyabr ayından saxlanılana qədər həmin xanımdan hədə-qorxu yolu ilə 10 500 manat aldığını etiraf edib.