Miçiqanda müşahidə kamerası Mələyi qeydə aldı
Miçiqan ştatında yaşayan Qlen Torman müşahidə kamerasının görüntülərinə baxanda şok keçirib.
“Ölkə.Az” xəbər verir ki, görüntülərə əsasən, evin qarşısında qanadlı Mələk görünüb.
Mələk ev ilə avtomobilin arasında səmada olub. Onun qanadlarını, əllərini və başını görmək mümkündür. Kameraya Mələyin cəmi iki kadrı düşüb. Birincidə Mələk avtomobilin üzərində, havada sallanıb. İkinci kadrda isə “obyekt” sola tərəf hərəkət edir və uçur.
Tormanın müşahidə kamerası hərəkət edən istənilən obyekti lentə alır. Bu səbəbdən kadrlar optik illuziya deyil. Konkret olaraq hərəkət edən “obyekt”dir.
Torman fotonu yerli rahib Deniel Mozesə göstərib. Mozes isə fotodakı “obyekt”in Tanrı elçisi olduğunu bildirib.
Bəzi KİV isə fotodakı “obyekt”in Mələk yox, hansısa həşərat olduğunu iddia edir.
Hikmət Həsənov
Ölkə.Az
