Tramp Kim Çen İnlə görüşə tam hazırdır
ABŞ prezidenti Donald Tramp əvvəlki kimi Şimali Koreya lideri Kim Çen İnlə görüşməyə hazırdır.
"Ölkə.Az" “Ria Novosti”yə istinadən xəbər verir ki, bu barədə Ağ Evin sözçüsü Sara Sanders məlumat verib.
“Prezident görüşə hazırdır. Görüş üçün əlavə hazırlıq işləri isə davam edir”, - deyə S.Sanders bildirib.
Onun sözlərinə görə, Tramp ABŞ-KXDR sammitindən əvvəl Cənubi Koreya prezidenti Mun Çje İnlə görüşəcək.
Qeyd edək ki, ABŞ və KXDR liderlərinin görüşünün iyunun 12-də Sinqapurda keçiriləcəyi gözlənilir. KXDR bir neçə gün əvvəl ABŞ və Cənubi Koreyanın birgə hərbi təlimlər keçirməsi səbəbindən görüşdən imtina edəcəyi ilə hədələyib.
Ölkə.Az
