Məşhur klinikalardan birinin baş həkim müavini dələduzluqda ittiham olunur

“Ölkə.Az”ın məlumatına görə, cinayət məcəlləsinin 178.3.2-ci maddəsi ilə təqsirləndirilən şəxs qismində cəlb olunan, istintaq dövründə ev dustağlığına buraxılan, “Baku Medical Plaza” Klinikasında Baş həkim müavini işləmiş Qasımov Feyzulla Apo oğlunun məhkəmə prosesinə hakim Cavid Hüseynov sədrlik edir. 

İtiiham aktına görə, 1969-cu ildən həkim işləyən Qasımov Feyzulla Apo oğlu 2013-cü ildən “Baku Medical Plaza” Klinikasında Baş həkim müavini kimi fəaliyyətini davam etdirib. Feyzulla Qasımov Səhiyyə nazirliyində yüksək post sahiblərindən birinin adından Cəmil adında həkimin atasına zəng edərək dələduzluq yolu ilə onun külli miqdarda pulunu ələ keçirib və bu fakta görə həbs olunub. Ancaq istintaq dövründə dəyən ziyanı qismən ödədiyindən ev dustağlığına buraxılıb. 

Növbəti məhkəmə prosesi iyun ayının 1-nə təyin edilib.