“Qarabağ” “Sumqayıt”ın qapısından iki cavabsız top keçirib
Noyabrın 3-də Azərbaycan Premyer Liqasının 10-cü turunun növbəti oyununda “Qarabağ” və “Sumqayıt” komandaları qarşılaşıblar.
"Ölkə.Az" xəbər verir ki, Tofiq Bəhramov adına Respublika stadionunda keçirilən oyun ağdamlıların 2:0 hesablı qələbəsi ilə başa çatıb. Ağdam təmsilçisinin heyətində Simon Slavçev (25), Con Delarj (57) fərqləniblər.
Bu qələbədən sonra xal ehtiyatını 25-ə çatdıran “Qarabağ” ikinci sıradakı mövqeyini qoruyub. Sumqayıtlılar isə 11 xalla 5-ci yerdə qərarlaşıblar.
Xatırladaq ki, Ağdam təmsilçisinin ev oyunlarını keçirdiyi “Azərsun Arena”nın işıqlandırma sistemində problem yarandığından görüş Respublika Stadionunda keçirilib.
Ölkə.Az
