Dil öyrənməyin ən asan yolu

Xarici dil öyrənmək istəyənlər bu xəbəri mütləq oxumalıdır.

Ölkə.Az Study.ru saytına istinadən xəbər verir ki, xarici dilləri öyrənməyin ən asan və rahat yollarından biri də mahnıları dinləməkdir.

Sözügedən üsulla dili öyrənmək üçün sadəcə müvafiq dildə ifa edən sevimli ifaçı və ya qrupun mahnılarını ard-arda dinləmək və sözlərini yadda saxlamaq kifayətdir. Bu gün istənilən mahnını və onun sözlərini tapmaq heç də çətin deyil. Bu halda insan həzz alaraq xarici dili öyrənmiş olur.

Alimlər müəyyən edib ki, insan beyni musiqi və nitqi qəbul etmək üçün müxtəlif sahələrə malikdir. Beynin musiqi mərkəzi solda, yaradıcı yarımkürədə yerləşir və bu səbəbdən də sağda yerləşən nitq mərkəzindən daha yaxşı fəaliyyət göstərir.

Digər maraqlı fakt budur ki, Altsmeyger və Parkinson xəstəliyinin daşıyıcıları da mahnı oxuya bilir. Hətta yaddaşını itirmiş, şok keçirmiş insanlar mahnı sözlərini unutmur. Bu isə o deməkdir ki, yaradıcı mərkəzin yaddaş funksiyası çox güclüdür. Xarici dildə olan nitqi yadda saxlamağa kömək edən digər cəhət isə mahnıda ritmin olmasıdır.

Beləliklə, həm pedoqoqlar, həm alimlər xarici dilləri mahnılar vasitəsilə öyrənməyin mümkünlüyünü sübut ediblər.

Ölkə.Az