Mişel Obamanın geyimi Ərəbistanı qarışdırdı

Mişel Obamanın başını bağlamaması ölkəni hərəkətə gətirib

Ölkə.Az Rosbalt agentliyinə istinadən xəbər verir ki, Mişel Obamanın islam ölkəsinə səfər etməsinə baxmayaraq, şalvar və pencəklə kralın qarşısına çıxıb. Bu səbəbdən Ərəbistan dövlət rəsmiləri Barak Obama ilə görüşsə də, xanım Obamanın əlini sıxmayıb. Dünya mətbuatının diqqətindən kənarda qalmayan bu addım maraqla qarşılanıb.

Birinci xanımın bu hərəkətinə etiraz olaraq internetdə #Michelle_Obama_Immodest və #Michelle_Obama_Not_Veile haştaqları yaradılıb.

The Breaking News Item yazır ki, xanım Obama bu hərəkəti ilə ola bilsin ki, Səudiyyə Ərəbistanında qadınlarla despotik davranışa etiraz etmək istəyib. The New York Daily News isə qeyd edir ki, ABŞ-ın birinci xanımı yoldaşından bir addım arxada dayanmaqla yerli adətlərə ehtiramını bildirib.

Qeyd edək ki, Mişel Obama İndoneziya səfəri zamanı başını örtmüşdü.

Rəşid Mustafazadə

Ölkə.Az