“Bavariya”dan “Real”a 120 milyonluq təklif
İspaniyanın “Real” klubunun futbolçusu Marko Asensio yayda Madrid klubundan ayrıla bilər.
“Ölkə.Az” xəbər verir ki, bu barədə “Don Balon” nəşri məlumat yayıb.
Xəbərə əsasən, almanların 23 yaşlı yarımmüdafiəçi üçün 120 milyon avro ödəməyə hazır olduğu bildirilib. “Bavariya” təmsilçisinin Asensio ilə artıq danışıqlara başladığı və ona təklif göndərdiyi vurğulanıb.
Xəbərdə o da qeyd olunub ki, Asensio “Bavariya”ya keçməyə narazı deyil. Onun "Real"ın baş məşqçisi Santyaqo Solari ilə problemləri səbəbindən Madrid klubundan ayrılmağı düşündüyü iddia olunub.
Qeyd edək ki, Asensio bu mövsüm 31 matçda 5 qol vurub, 5 qolun ötürməsini verib.
Ölkə.Az
