"HTC" yeni modelini təqdim etdi

Tayvanlı texnologiya nəhəngi olan "HTC" yeni modelini - Desire 626-ni ölkəsində satışa çıxarıb.

Ölkə.Az xəbər verir ki, "HTC" tərəfindən satışa təqdim edilən cihazın daha əvvəl internetə sızan texniki xüsusiyyətləri və görüntüləri eyni şəklidə internetdə yayılıb.

Şirkətin paylaşdığı məlumatlara görə, telefonda 720p keyfiyyətli 5 düym ekran, 13 meqapiksel arxa kamera ilə 5 meqapiksel ön kamera, 1,2 GHz sürətində dörd nüvəli və 64 bit prosessorlu Cortex A53 çipset, 1 GB RAM, microSD ilə artırıla bilən 16 GB daxili yaddaş və 2.000 mAh tutumlu batareya kimi təməl xüsusiyyətlər var.

Tayvanda satışa çıxarılan telefonun satış qiyməti 190 dollar olaraq təyin olunub. Cihazın Avropa bazarında satışa təqdim ediləcəyi barədə heç bir məlumat verilməyib.

Ölkə.Az