Holli bayramı belə keçirildi

Dünən Hindistanda Holli bayramı keçirilib.

Ölkə.Az xəbər verir ki, Hind xalqı hər ilin martında yazın gəlişi ilə əlaqədar olan "Holli" bayramını qeyd etməyə başlayıb. Bayram tədbirlərində müxtəlif rənglər içində «üzən» hindistanlılar bu günü həm də Xeyirin Şər üzərindəki qələbəsi kimi qeyd edir.

Bu bayramda yaşından, cinsiyyətindən və sosial statusundan asılı olmayaraq bir-birlərini rəngli su və ya rəngli toz ilə rəngləyir, ətrafındakıların üzərinə boyalar atır. Dövlət səviyyəsində qeyd olunan bu bayrama "boya müsabiqəsi" də deyilir.

Deyilənə görə, geyim üzərində nə qədər çox rəngli çalarlar olarsa, insan bir o qədər xoşbəxt olacaq. Latmar Xoli adı altında qeyd olunan dini bayram artıq bir festivala çevrilib.

Festivalda iştirak etmək, izləmək istəyən minlərlə turist mart ayında Hindistana üz tutur.

Ölkə.Az